ചിക്കന്റെ വില ഒരു നിയന്ത്രണവുമില്ലാതെ കുതിക്കുന്നത് തുടര്ന്നാല് ഹോട്ടലുകളില് ചിക്കന് വിഭവങ്ങള് ബഹിഷ്ക്കരിക്കേണ്ടിവരുമെന്ന് കേരള ഹോട്ടല് ആന്റ് റസ്റ്റോറന്റ് അസോസിയേഷന്. കോവിഡിനെ തുടര്ന്ന് തകര്ച്ചയിലായ ഹോട്ടലുകളില് ഡൈനിങ് അനുവദിച്ചതിനെ തുടര്ന്ന് വ്യാപാരം പതിയെ സാധാരണനിലയിലേക്ക് വന്നുതുടങ്ങുമ്പോഴാണ് ഇരുട്ടടിയായി ചിക്കന് വിലവര്ധിക്കുന്നത്. ചിക്കനോടൊപ്പം തന്നെ സവാളയടക്കമുള്ള അവശ്യസാധനങ്ങള്ക്കും, പാചകവാതകത്തിനും വില വര്ധിച്ചുകൊണ്ടിരിക്കുന്നതും ഹോട്ടല് മേഖല്ക്ക് തിരിച്ചടിയാണ്.
സംസ്ഥാനത്തെ ചിക്കന് വിപണി നിയന്ത്രിക്കുന്ന അന്യസംസ്ഥാന ലോബിയുടെ ലാഭക്കൊതിയാണ് ചിക്കന്റെ വിലവര്ധനവിന് കാരണം. സംസ്ഥാനത്ത് കൃത്രിമ ക്ഷാമമുണ്ടാക്കി ചിക്കന് വില വര്ധിപ്പിച്ചുകൊണ്ടിരിക്കുന്നു. ഒരു മാസത്തിനിടെ ഇരട്ടിയോളം വില വര്ധിച്ചു. കോവിഡിനെ തുടര്ന്നുള്ള പ്രതിസന്ധിയില് നട്ടംതിരിയുന്ന ഹോട്ടല് മേഖല്ക്ക് ചിക്കനടക്കമുള്ള അവശ്യസാധനങ്ങളുടെ വിലവര്ധനവ് കാരണം ഹോട്ടലുകള് അടച്ചിടുകയോ, വിഭവങ്ങള്ക്ക് വില വര്ധിപ്പിക്കേണ്ടിവരുകയോ ചെയ്യും. അടിക്കടിയുള്ള ചിക്കന്റെയും അവശ്യസാധനങ്ങളുടേയും വില വര്ധനവ് തടയാന് സര്ക്കാര് വിപണിയിലിടപെടണമെന്നും, തദ്ദേശ ചിക്കന് ഫാമുകളില്നിന്നുള്ള കോഴിയിറച്ചി കൂടുതല് വിപണിയിലെത്തിച്ച് ചിക്കന്റെ വിലവര്ധനവ് പിടിച്ചുനിര്ത്തണമെന്നും കേരള ഹോട്ടല് ആന്റ് റസ്റ്റോറന്റ് അസോസിയേഷന് പ്രസിഡന്റ് മൊയ്തീന് കുട്ടിഹാജിയും ജനറല് സെക്രട്ടറി ജി. ജയപാലും ആവശ്യപ്പെട്ടു.
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് കേരള ഹോട്ടല് ആന്റ് റസ്റ്റോറന്റ് അസോസിയേഷന്ന്റ്ത് (കെഎച്ച്ആര്എ) അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും കെഎച്ച്ആര്എയും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്